25 abrile

resistenza-5

25 abrile
1
Vintichimb’e abrile
Barantachimbe s’annu
Est finidu s’ingannu
De su fascista vile.
2
S’ingannu est finidu
De su cane ciarlatanu
Vigliacu e disumanu
E de sambene sididu.
3
Poi tantu flagellu
Poi tantu penare
Finidu est su masellu
Si cominzad’a campare.
4
Vint’annos de inferru
De angherias e degradu
Est finidu su jerru
Su eranu n’est cominzadu.
5
De sa musica su sonu
Cambiad e sa melodia
Cominzad su tempus bonu
Cominzad s’allegria.
6
Sa zente suffertu had tantu
Chi no si poded descriere
Ma com’est finidu su prantu
E si cominzad’a riere.
7
Sos meritos pius mannos
Sun de sos partigianos
Ch’isconzad’han sos pianos
De cussos canes tirannos
8
Su corazz’han post’in mottu
Contr’a su fasciu han lottadu
E cantos sa vid’han dadu
Pro sa libertad’e tottu.
9
Com’a nois su trabagliu
Toccad’a continuare
No fattemas cuss’isbagliu
Guai de nos arressare.
10
Prit’ancora no est ora
De abbassare su tiru
Prite fascistas in ziru
Medas binnad’ancora.
11
Naro a donz’antifascista
Chi b’ad’ancor’e gherrare
Finas a ch’isterminare
Donzi fasciu oscurantista
12
Prite cussos sun carognas
Duncas cheren’ispuzzidos
Tottu bene riunidos
E bettados in sas fognas.
13
Bolu naro dae coro
Senza dubbiu perunu
Cue in domo issos sunu
Cussu est su logh’insoro.
Gonariu Tilocca

Leave a Reply