Tenimus una brigata
chi li naran tataresa
de sos ricos sa difesa
leana a ispada tratta.
In donzi part’e sa terra
tottu sun occupenne
su logu sun preparenne
a sos signores de sa gherra.
Tottue a cara cotta
e cun tant’e prepotenzia
mina sa resistenza
de sos populos in lotta.
Sun battidores de male
sun viles sambenarios
faghen sos sicarios
a cont’e su capitale
Na-chi sun liberadores
de populos oprimidos
inveze sun oppressores
de sos populos famidos.
Faghen crere a donzunu
chi eliminan sos males
ma in realtade sunu
una brigat’e criminales.
Mercenarios assoldados
dae s’imperialismu
fizz’e su capitalismu
dae cussos cumannados.
Gonariu Tilocca
Commenti recenti