Dae parizz’est chi bi so pessenne
E manighenne mi est sos cherveddos
In Domusnovas bombas sunt fattenne
Pro massacrare bezzos e piseddos;
sian custos biancos o nieddos
tottu gantos los sun’isterminenne
sa casta perfida ischifosa e maligna
chin sas bombas produittas in Sardigna.
A sos de Domusnovas fatto appellu
Chi a pensare si ponzan’appena
Ca sun partecipenne a su flagellu
De populos ligados a cadena;
e canta zente sun ponzenn’ in pena
mannannelos derettu a su masellu
pro interessos de su capitale
cussa razza padrona criminale.
Gonariu
Commenti recenti